Бүген «Uen Fest — Уен Фест» традицион уеннар фестиваленең иҗади сменасы тәмамлана

Өч көн дәвамында барган «Uen Fest — Уен Фест» традицион уеннар фестиваленең иҗади сменасы бүген тәмамлана. Ул «Мирас-наследие» балалар лагеренда 26 - 28 февраль көннәрендә уздырыла.
Биредә катнашучылар өчен кызыклы халык уеннары, төрле осталык дәресләре, музыка һәм бию буенча эшләнгән авторлык программасы әзерләнгән иде.
Чын мәгънәсендә матур һәм күңелле  «Uen Fest — Уен Фест» фестивале «Истәлек — Istelek» иҗат берләшмәсе артистлары чыгышы белән үрелеп барды. Әлеге чара «Культура.РФ» платформасында турыдан-туры трансляцияләнде.

Фото: Pixabay.com