Бөтендөнья татар конгрессы «Татар уллары» марафонын игълан итә

07 февраля 2023 Мәгариф

Бөтендөнья татар конгрессы «Татар уллары» марафонын игълан итә. Мәдәният атналыгы марафонының идея авторы – «Җиһангирлар» инициатив төркеме җитәкчесе Хәлил Гайнетдинов һәм проект җитәкчесе – Муса Җәлил премиясе лауреаты, Татарстанның халык артисты, Кырым Республикасының атказанган сәнгать эшлеклесе Гөлзадә Сафиуллина.
Алар катнашучыларны М.Җәлил шигырьләрен укып яки яттан сөйләгән, Илһам Шакиров репертуарындагы җырларны башкарган, мәшһүр талантларыбыз турында истәлекләр белән уртаклашкан видеоязмаларын #татаруллары2023 дигән хештег белән, үзләренең ВКонтакте (https://vk.com) социаль челтәрендәге шәхси битләрендә урнаштырырга чакыралар.

Фәния Лотфуллина