Буа районында яңа мәктәп ачылды

Буа районының Әлши авылында яңа урта мәктәп ачу тантанасы булып узды. Чарада Буа районы башлыгы Марат Җәббаров, ТР Мәгарифне үстерү институты ректоры Людмила Нугуманова, ТР Дәүләт Советы депутаты Ринат Гайзатуллин катнашты.

«Апрель аенда гына район башлыгы белән мәктәп салыначак урынны карарга килгән идек. Ә августта ул инде басып тора. Шундый кыска вакыт эчендә безнең балаларыбызга әлеге «таш чәчәкне» төзеп биргәннәре өчен төзүчеләргә бик зур рәхмәт!», - диде Ринат Гайзатуллин сәламләү сүзендә.Азакта кунаклар мәктәп белән танышты һәм район мәктәпләре һәм балалар бакчалары оештырган тәҗрибә уртаклашу күргәзмәләрен карады.