Дәүләт Думасында мәктәпләрдә смартфоннар куллануны чикләргә тәкъдим иттеләр

Дәүләт Думасы депутаты Алексей Нечаев Россия мәгариф министры Сергей Кравцовка мәктәп укучыларының ата-аналарының белем бирү оешмаларында смартфоннар куллануга чикләүләр кертүгә карата тавыш бирүне оештыру тәкъдиме белән мөрәҗәгать җибәргән.
Депутат фикеренчә, мәктәп смартфоннардан азат территория булырга тиеш һәм моны ата-аналар хәл итәргә тиеш.  Ул ата-аналар арасында сораштыруны агымдагы ел ахырына кадәр үткәрергә тәкъдим итә. Тавыш бирү өчен 3 вариант булачак: смартфонны дәресләрдә дә, тәнәфесләрдә дә куллануны тыю; дәресләр вакытында гына саклауга тапшыру, яки смартфоннарны куллануны бөтенләй чикләмәү. Өченче вариант гаджетлар уку процессында актив кулланыла торган мәктәпләргә туры киләчәк.