Казанда кино музее күргәзмәсе ачылды

Күргәзмәдә Дәүләт үзәк кино музее һәм Татарстан Республикасы Милли музее тупланмаларыннан 400 гә якын экспонат урын алган. Экспозиция чын тарихи вакыйгаларның кино теленә ничек йогынты ясавына багышланган. XX гасыр башында кинематограф барлыкка килүдән алып, тарихка шәхси язмыш призмасы аша мөрәҗәгать иткән постсовет киносына кадәр күрсәтелә.

Күргәзмә төп тарихи этаплар аша үзебезнең ил киносын үстерүнең бердәм линиясен төзи һәм җәмгыятьтә фундаменталь үзгәрешләр кинематографка яңа операторлык алымнарын таләп иткәнен, аның визуаль телен һәм төшерү максатын үзгәрткәнен күрсәтә-чынбарлыкның үзгәрүеннән аңларга ярдәм итә.   Гомумроссия процесслары төбәк контексты аша карала, бу локаль кинотрадициянең гомуми кино тарихына ничек үрелүен күрсәтә.

Күргәзмәгә  килүчеләр XX гасыр башы кино төшерү аппаратының, әле кул белән йөртелгән «Патэ-камера»ны, НЭП чоры модницаларының чын күлмәкләрен һәм Алексей Германның «Герой нашего времени» (1965), «Москва слезам не верит» (1979), «Орда» (2012) һәм «Трудно быть богом» (2013) фильмнарыннан оригиналь костюмнарны күрәчәкләр.

Аеруча эмоциональ көчне фронт операторы лейтенант А.А. Крыловның 1944 елның июлендә Вильнюсны азат итүне төшергәндә ташланган авиабомба кыйпылчыгы тишкән погоны күрсәтә, ул вакытта документалист авыр яралана. Янәшәсендә «Разгром немецских войск под Москвой» (1942) фильмы өчен бүләк- беренче совет «ОСКАРы» һәм «Ирония судьбы, или с легким паром!» (1975) фильмына декорацияләрнең чын эскизлары тәкъдим ителә.

Татарстан Республикасы Милли музее фондларыннан Франциядән XX гасыр башы «ТАКСИФОТ» стереоскопик проекторы, 1910 еллардагы «Патэ-КОК» кинопроекторы, «Совет Татариясе» (1930 еллар), «Казанда Ленин» һәм «Иптәш Камай» (1960-1965 еллар) кинофильмнары фрагментлары, шулай ук «Алтын мөнбәр» Казан халыкара мөселман киносы фестивале материаллары экспонат итеп куела.

Фотолар ТР Милли музеннан.