Әлфия Авзалованың «Үзем турында» дигән китабы чыгачак

Тиздән Татарстанның халык, Россиянең атказанган артисты Әлфия Афзалованың тормыш һәм иҗат юлына багышланган яңа китап басылып чыгачак. Матбугат конференциясендә легендар җырчының кызы Зөлфия Нигъмәтҗанова хәбәр итте, дип яза «Татар-информ» агентлыгы.

"Әнинең исемен мәңгеләштерү өчен аның белән бәйле истәлекләрне туплыйм. 1995 елда әни “Үзем турында” дигән китап чыгара, анда үзенең тормышы турында ачыктан-ачык яза. Мемуарлары Актанышта узган балачагы, әти-әнисе турындагы истәлекләрдән тора. Хәзер шул китапның эчтәлеген дәвам итәбез. Китап битләрендә әнинең туганнары, дуслары, күршеләре, кызлары һәм оныкларының хатирәләре бастырылачак. Әни безне күктән күзәтә һәм сөенеп ята торгандыр дип ышанып калам", - диде ул.