Гражданнар җәмгыяте институтларын үстерү өчен Президент премиясенә бәйге башлана

Татарстанда гражданнар җәмгыяте институтларын үстерүгә керткән өлеш өчен Татарстан Президенты премиясенә конкурс старт ала. Бүген шул уңайдан ТР Иҗтимагый палатасында журналистлар белән очрашу узды. Бу хакта Татар-информ хәбәр итә. 
Иҗтимагый палата рәисе Зилә Вәлиева документлар 29 сентябрьгә кадәр кабул ителүен әйтте. 
Премия Президент указы нигезендә 2015 елда гамәлгә куелган. «Без төбәкләр арасында беренче булып гамәлгә керттек. 2015 елдан 47 кеше һәм оешма алды. Шәхси күпьеллык хезмәте өчен аерым кешеләргә дә, коммерцияле булмаган оешмаларга да бирелә», - диде Зилә Вәлиева.