Яшел чәй эчегез!

"Без сөтле чәй эчәргә өйрәндек, яшел чәй әче бит" диючеләр күп. Яшел чәйне эчәргә өйрәнер алдыннан тәүдә пакетларда сатылганын кулланыгыз. Ул җиңелрәк кабул ителә. Ә менә тора-бара рәхәтләнеп чәйнекләрдә пешереп эчәргә дә өйрәнерсез. Яшел чәйнең файдасы күп, шуны онытмагыз! Бу хакта "Кызыл таң" яза.

Тән тиресен яхшырта.
Иммунитетны ныгыта.
Кан басымын төшерә.
Яман чиргә каршы торуны ныгыта.
Тромблар булуга каршы тора.
Аппетитны киметә һәм көч бирә.
Матдәләр алмашын яхшырта.
Кандагы шикәр күләмен тигезли.
Атеросклероз булуны киметә.
Сезонлы аллергия белән интегүчеләрнең хәлен яхшырта.
Баш миенең эшчәнлеген активлаштыра.
Организмдагы су балансын көйли.
Тешләрнең һәм аңкауларның торышын ныгыта.
Бавырны чистарта.