«Иң яхшы оныгым» фотобәйгесе старт алды

«Иң яхшы оныгым» фотобәйгесе өлкәннәр ункөнлегенә багышланган.
Оештыручылар әйтүенчә бәйге өч этапта һәм өч номинациядә уза. Беренче этап 2 октябрьдән 2 ноябрьгә кадәр дәвам итә. Бу чорда оныклары, әби-бабайлары һәм гаиләләре сурәтләнгән фотоларны «ВКонтакте» социаль челтәрендә #лучшийвнук2023 #Иңяхшыоныгым2023 хештегы белән өч тема буенча урнаштырырга кирәк:
— «Гаиләмнең милли-мәдәни традицияләре»;
— «Гаиләмнең геройлары»;
— «Гаиләбез һөнәре».
Икенче этап 6-19 ноябрьдә узачак. Монда экспертлар бәйгегә йомгак ясый. Җиңүчеләрне бүләкләү 30 ноябрьдә оештырыла.