Казанның 13 нче мәктәбендә Соңгы кыңгырау

Бу мәктәптә XI  сыйныфны унҗиде бала тәмамлады.

– Кадерле балалар, алда сезне зур сынаулар көтә, ә җиңел тормыш юк ул, - диде «соңгы кыңгырау»да үз егет-кызларына чыгарылыш сыйныф җитәкчесе Каратаева Ильмира Рафаэловна.
Мәктәп директоры Овчинников Сергей Николаевич та укучыларны, ата-аналарны бәйрәм белән котлап, укуда, спортта, сәнгать өлкәсендә югары уңышларга ирешкәннәргә Рәхмәт хатлары тапшырды.

Җыр, бию, котлаулар, чәчәк бәйләмнәре һәм бераз моңсулык өстәлгән бу бәйрәм чыгарылыш укучыларының күңелләрендә гомер буе сакланыр. Ә алда аларны бердәм дәүләт имтиханнары көтә.