Композитор Илһам Байтирәк Тукай премиясенә дәгъва кыла

Музыка сөючеләргә үзенең симфоник, камера-инструменталь, хор, вокаль һәм балалар музыкалары белән таныш булган композитор Илһам Байтирәк Габдулла Тукай премиясенә дәгъва кыла. Бу турыда ул «Мәгариф»  журналы редакциясенә хәбәр итте.

Журналыбызның март санында композиторның «Карга боткасы» дип исемләнгән музыкаль әсәре дөнья күрәчәк.  Әлеге вакытта Илһам әфәнде чираттагы пьесасын тыңлаучыларга тәкъдим итәргә җыена. Аның атамасын ул 26 нчы апрельдә Г. Тукай туган көнендә игълан итәчәк. Мәртәбәле премиягә аны Татарстан композиторлар берлеге тәкъдим иткән.

Таңсылу ГАБИДУЛЛИНА

Фото: Россия композиторлар союзы