Мәчетләрдә Ураза гаетен уздыру тәртибе

Бу мөбарәк бәйрәм Татарстан Республикасының шәһәр мәчетләрендә 6.30 сәгатьтә Коръән аятьләрен укып башланачак, 7.00 сәгатьтә вәгазьләр белән дәвам итәчәк һәм  7.30 сәгатьтә Гает намазы укылачак.

 Авыл җирлекләрендә Гает намазын, кояш чыгып ярты сәгать узгач уку каралган.

- Татарстан Мөфтие Камил хәзрәт Сәмигуллинның бәйрәм вәгазе «Хозур ТВ», «ТНВ-Татарстан» һәм «ТНВ-Планета» телеканалларында туры эфирда күрсәтеләчәк. Моннан тыш, Гаетнең интернеттагы трансляциясен «Хозур ТВ» YouTuBe  каналында карап булачак, – дип хәбәр итә ТР Диния нәзарәте матбугат хезмәте.