Милли киемле бәби

Чаллыда Дәүләтовлар гаиләсенең сабыен бала тудыру йортыннан алып чыгуы безнең өчен дә шатлыкка әверелде.

Бәхетле ата-ана, сабыйлары өчен аеруча сөендек. Югыйсә, биредә һәр көнне мондый шатлыклы вакыйга булып тора бит. Дәүләтовлар исә бәләкәй Динисламны татар милли бизәкләре белән ясалган юрганга төреп алып чыктылар. Әнисе Гүзәл бәби көткәндә үк юрган тышын үзе чиккән, кечкенә түбәтәй дә тегеп куйган. Искиткеч! Динисламның әти-әнисенә изге теләкләребезне ирештерәбез! Тәүфыйклы, иманлы булып үссен! Милләтебезгә хезмәт итсен!