«Нәүрүз» халыкара фестивале Казанда узачак

Казанда  6 – 12 июньдә  «Нәүрүз» дип аталган VII Халыкара театраль фестиваль – форум узачак.  Анда  Германия, Колумбия, Англия, Франция,  Польша  һәм Россиянең  театр сәнгате  һәм менежменты буенча әйдәп баручы  белгечләре катнашуы көтелә.
Форумда катнашучыларга театраль педагогика, актерлык осталыгы, курчак театры  режессеры һәм актерлык сәнгате, PR-технологияләр,  театраль  тәнкыйть, театрның әдәби һәм сәхнәләштерү  эшчәнлеге белән бәйле мастер-класслар оештырылачак. Чара онлайн һәм офлайн  форматта узачак.
Фестиваль-форумны Татарстан Мәдәният министрлыгы Россия һәм Татарстан театр эшлеклеләре берлекләре белән берлектә оештыра.

                                                                          Альберт Заһиров