Тинчурин театры артистлары Резидә Сәлахова һәм Артем Пискунов шигырь юллары аша укытучыларга үзләренең бәйрәм сәламнәрен җиткерде. 
Берочтан Резидәдән мәктәптә булган кызыклы хәлләр турында да сорашасым килде. Ни гаҗәп, мин, мәктәптә укыганда, бер дә кызык кеше түгел идем, башымны бәрә-бәрә укыдым да укыдым, отличница идем дип җавап бирде ул. Димәк, укытучыларының яраткан укучысы да булган икән әле. 
"Укытучыларыбызга, барлык мәгариф өлкәсендә эшләүчеләргә чиксез рәхмәтебезне һәм хөрмәтебезне белдерәбез. Авыр һәм җаваплы эшләрендә, сабырлык һәм иминлек телибез, тагын да зур уңышлар һәм горурланырдай укучылар тәрбияләргә насыйп булсын," – дигән теләкләрен җиткерделәр.

Фәния Лотфуллина