Россия Мәгариф министрлыгы Белем көнен үткәрү буенча тәкъдимнәр әзерләде

Белем көне тантаналары Россия Федерациясе Дәүләт флагын күтәрү һәм   Дәүләт гимнын башкару белән башланачак. Беренче уку көненең төп темалары – Россия халыклары бердәмлеге, тарихи хәтерне саклау, патриотик тәрбия һәм традицион рухи-әхлакый кыйммәтләрне ныгыту.

Барлык мәктәпләрдә һәм көллиятләрдә уку елы традицион рәвештә «Мөһим мәсьәләләр турында сөйләшү» проектының беренче дәресе белән башланачак.

Беренче сыйныф укучылары мөгаллимнәре һәм сыйныфташлары белән танышачак, ә беренче курс студентлары өчен кураторлар белән очрашулар, студент билетларын алу һәм уку мәйданчыклары буенча экскурсияләр үткәреләчәк.

Моннан тыш, белем бирү оешмаларына янгын һәм террорчылыкка каршы иминлек таләпләрен үтәүгә, шулай ук сәламәтлек мөмкинлекләре чикләнгән укучылар өчен уңайлы шартлар тудыруга аерым игътибар бирергә кирәклеге билгеләп үтелә.

Фото: нейрочелтәр