Россиядә Әтиләр көнен билгеләп үтәчәкләр

Россия Президенты Владимир Путин яңа бәйрәм — Әтиләр көнен оештыру турында йөкләмә бирде.
Дәүләт башлыгы Указында  күрсәтелгәнчә, ул октябрьнең өченче якшәмбесендә билгеләп үтеләчәк. «Гаилә институтын ныгыту һәм балаларны тәрбияләүдә ата — аналарның әһәмиятен арттыру максатыннан, әтисе көнен билгеләргә һәм аны октябрьнең өченче якшәмбесендә билгеләп үтәргә карар бирәм» - дип хәбәр ителә документта.
РФ Президенты каршындагы Бала хокукларын  яклау буенча элеккеге вәкаләтле вәкиле Анна Кузнецова сүзләренә караганда, бу бәйрәмне «бөтен илнең миллионлаган әтиләре һәм аналары хуплый».

Таңсылу ГАБИДУЛЛИНА

Фото: pixabay