Татарстанда тугызынчы сыйныф укучыларының күбесе көллиятләрне сайлый

23 декабрь 2025 Мәгариф

Татарстанда Урта һөнәри белем бирү популярлыгы күзәтелә. ТР Мәгариф һәм фән министрының беренче урынбасары Рәмис Мөҗипов хәбәр иткәнчә, республиканың тугызынчы сыйныф укучыларының 57% ы көллият һәм техникумнарга укырга керә.

Рәмис Мөҗипов сүзләренчә, хәзерге вакытта Татарстан көллиятләре һәм техникумнарында 87 мең укучы белем ала. Уку йортларына ел саен 29 меңнән артык тугызынчы сыйныф укучысы кабул ителә.

Фото: ТР Мәгариф һәм фән министрлыгы сайты