Традицион август киңәшмәсе быел Сабада уза

15 августта республиканың Байлар Сабасы шәһәр тибындагы бистәсендә мәгариф һәм фән хезмәткәрләренең “Татарстан: инновацион төбәк мәгарифе” дигән темага традицион август киңәшмәсе уза.

Республика белем бирү системасы үсеше нәтиҗәләре һәм бурычлары турында ТР Премьер-министр урынбасары – мәгариф һәм фән министры Энгель Фәттахов чыгыш ясар дип көтелә.

Утырышта республика җитәкчелеге, РФ Дәүләт Думасы депутатлары, ТР Дәүләт Советы вәкилләре, министрлыклар һәм ведомстволар, республикадагы федераль органнары җитәкчеләре, муниципаль районнар башлыклары, мәгариф белән идарә итүче органнар, һөнәри белем бирүче оешмалар җитәкчеләре, мәгълүмати-методик үзәкләр директорлары һәм методистлары һ.б. катнаша.

ТР Мәгариф һәм фән министрлыгы.