Түбән Камада күпбалалы гаиләләр март азагына кадәр җир кишәрлекләре алачак

11 февраль 2026 Мәгариф

Түбән Камада күпбалалы гаиләләрне җир кишәрлекләре белән тәэмин итү буенча эш дәвам итә, дип хәбәр итте шәһәр мэры Радмир Беляев. Бу хакта «Татар-информ» яза.

«Без 4 476 гаиләне җир кишәрлеге белән тәэмин иттек инде. 160 гаилә чиратта кала, участоклар бирүнең планлаштырылган срогы – агымдагы елның март азагы», – дип билгеләп үтте шәһәр башлыгы.