Укытучылар көне белән!

Ак кәгазьдәй сабый күңеленә
Яхшылыктан орлык сала алсак,
Һәр баланың сизгер йөрәгенә
Яратырлык ачкыч таба алсак,
Кирәк чакта шагыйрь, артист булып
Бала күңелләрен яуласак,
Сыйныфта  булган һәр баланың да
Якын дусты булып кала алсак,
Ә балалар олыларны зурлап,
Кечеләрне кече итсәләр,
Үсеп җитеп, илгә хезмәт итеп,
Туган җирне өзелеп сөйсәләр,
Менә шушы инде олы бәхет:
Язмышларның тәңгәл килеше,
Үзебез теләп алган һөнәребезнең-
Хезмәтебезнең хәләл җимеше.
 
Бәйрәмебез белән, хөрмәтле хезмәттәшләрем! Гаилә бәхете һәм укучылар бәхете насыйп булсын һәрбарчабызга да!  Ходай сәламәтлегебездән һәм сабырлыгыбыздан аермасын!
Ләйсән Вәлиева Арча районы Иске Чүриле урта мәктәбе укытучысы