“Вакыт кыңгыравы” фестивале

Бу хакта бүген театрның баш режиссеры Рөстәм Галиев хәбәр итте. 

— Бу фестивальне без күптәннән оештырырга җыенабыз. “Вакыт кыңгыравы” (“Колокол времени”) фестивале атаклы драматургның иҗатына багышланачак.  Туфан Миңнуллинның әсәрләрен төрле театрлар сәхнәләштерә. Фестивальнең төп программасында уннан артык театр килүен планлаштырабыз. Хәзерге вакытта Т.Миңнуллин исемендәге балалар театры фестивале бара. Шушы фестивальдә җиңгән балалар театрын да “Вакыт кыңгыравы” проектында катнаштырыга исәп тотабыз, ди Рөстәм Галиев. 

Фестиваль быел көз айларында узачак. Фестивальгә төрле театрлардан белгечләр, театр тәнкыйтьчеләре дә чакырылачак. 

Исегезгә төшереп узабыз: хәзерге вакытта Түбән Кама татар дәүләт драма театры репертуарында драматург Т. Миңнуллинның 14 тән артык әсәре бар. 

12+

Материал, фото: Мөршидә Кыямова