Хезмәтне яратырга өйрәнәчәкбез

25 марта 2024 Admin

Элек-электән мәктәп балаларга белем бирүне генә максат итеп куймады, хезмәт тәрбиясен дә бирде, акыл белән кул эшенә бер үк дәрәҗәдә мәхәббәт уятты.

Билге артыннан чабу белән генә чикләнгән бала, тормышта әһәмиятле булган көнкүреш эшләрен башкара алачагы икеле шул.

Яңа уку елыннан башлангыч мәктәбе укучылары һәм урта сыйныф укучылары хезмәт дәресләрен мәҗбүри рәвештә үтә башлаячак. Россия Президенты Владимир Путин тарафыннан 2024 елның 1 нче сентябреннән хезмәт дәресләрен кертүне йөкләгән закон имзаланган. Документ белән хокукый актларның рәсми порталында да танышырга була. Анда мәктәпләрдә слесарьлык һәм балта осталыгы, тегү, аш-су нигезләре һ.б. буенча дәресләре кабат кайтарылачак, диелгән. Мәктәпләрдә мәҗбүри хезмәт дәресләре кертелү тормышта кирәкле булган күнекмәләргә генә өйрәтеп калмаячак, эшче һөнәрләрнең абруен күтәрүгә, кадрлар кытлыгы мәсьәләсен уңай хәл итүгә этәргеч ясаячак.

Шулай ук мәктәп тәртибе кагыйдәләрендә, укучыларның дисциплинасында мәҗбүри рәвештә үтәлергә тиешле яңа таләпләр көтелә. Тәртип кагыйдәләрен үтәү бурычы педагоглар һәм мәктәп администрациясенә йөкләнәчәк.

Таңсылу Габидуллина