Якын арада электр самокатларына карата катгый кагыйдәләр кертеләчәк

Татарстанда электр самокатларын куллану кагыйдәләре катгыйланачак. Бу хакта ТР Президентының матбугат хезмәте башлыгы Лилия Галимова хәбәр итте.
Аның сүзләренә караганда, ТР Президенты билгеләгән бурыч нигезендә, самокатлар прокаты челтәре аеруча үсеш алган Казан, Чаллы, Әлмәт кебек эре шәһәрләр бу мәсьәлә белән җитди шөгыльләнә, дип хәбәр итә «Казанский репортер».
«Бу актив җәйге сезонда инде якын арада билгеле бер кагыйдәләр эшли башлар дип көтелә», – дип әйтте ул.
Матбугат хезмәте башлыгы, өлкәннәрнең мондый транспорт төрен куллануга җавапсыз караулары проблеманы кискенләштерә, дип белдерде һәм яңа кагыйдәләрнең шушы көннәрдә билгеле булачагын искәртеп үтте.

Диләрә БАТРШИНА