Йомырка ашауның файдасы

Иртәнге ашка көндә өч  йомырка ашасагыз сәламәт булачаксыз. Мондый карарга Коннектикут университеты тикшерүчеләре килгән.  Алар әйтүенчә, көненә өч йомыркадан артык ашарга ярамый, чөнки аларда холестерин күп.
Берничә тикшеренүләр үткәргәннән соң, алар көненә өчәр йомырка ашаган кешеләрнең организмнарында антиоксидантлар һәм цитокиннар – ялкынсыну процессына каршы көрәшкә юнәлдерелгән мәгълүмати молекулалар дәрәҗәсе артуын ачыклаганнар.
The Journal of Nutrition фәнни басмасында үз экспериментлары турында сөйләгән тикшерүчеләр аларның нәтиҗәләре яшьләргә генә кагыла һәм сәламәтлек белән бәйле проблемалар кичерүче башка яшь категорияләренә кагылмый дип кисәтә.