Юка бозга керү һәлакәткә китерә

Юка бозга керүнең һәлакәткә кеиерү очраклары турында Татар-информ агентлыгында узган матбугат конференциясендә РФ Гадәттән тыш хәлләр министрлыгының ТР  буенча Баш идарәсе җитәкчесе урынбасары  Юрий Венедиктов кабат искәртте.

• Вакыты шундый: күлләрдә, сулыкларда боз пәйда булды,  мәктәп укучыларның каникуллары башланды. Кечкенә балалар нәкъ шундый вакытта боз өстенә керергә ярата, – диде баш инспектор. – Моның ахыры фаҗига белән беткән очраклар хакында ел да кисәтеп  торабыз. Быел да  РТ Мәгариф һәм фән министрлыгы, җирле хакимият һәм эчке эшләр органнары вәкилләре белән берлектә башлап җибәрдек.


• 

Шул уңайдан балалар белән  300 дән артык очрашу-дәрес үткәрелгән, аңлату эшләре алып барылган. Боз калынлыгы 7 сантиметрдан да ким булган  очракта, су өстенә керү катгый  тыела. Бу таләпләрне бозган кешеләрне административ җаваплылыкка 2 мең сумга кадәр штраф каралган. Иң куркынычы – юка  бозга кереп, су астына төшеп киткән кешегә 15  минут эчендә тиешле ярдәм күрсәтелмәсә, ул үлемгә дучар булырга мөмкин. Ел да  язгы-көзге  чорда  боз астына  китү очраклары күзәтелә,  узган ел 8 баланың һәлакәте теркәлгән 1 се коткарылган. «Бәла аяк астында, иң мөһиме аннан саклану чарасын күрүең хәерле», – диде баш инспектор.
 
Альберт САБИР