Югары уку йортларына гаризалар тапшырыла башлады

Институтның кайбер бүлекләренә гаризаларны 25 июльгә кадәр булса, ә институт үзе имтихан уздыра торганнарына 15 июльгә кадәр тапшыру сорала. 

Бу хакта журналистларга Казан (Идел буе) федераль университетының Филология һәммәдәниятара коммуникацияләр институты директоры Рәдиф Җамалетдинов белдерде. Бүген Татмедиада Казан федераль университетының Филология һәм мәдәниятара коммуникацияләр институтында 2024  ела кабул итү компаниясенә әзерләнү һәм үткәрү турында матбугат конференциясе булып узды.

Рәдиф Җамалетдинов  Казан (Идел буе) федеральуниверситетының Филология һәм мәдәниятаракоммуникацияләр институтынының студентлар өчен өстенлекле һәм заманча белем бирү үрнәкләре һәм уку йортындагы яңа уку елы яңалыклары белән таныштырып узды. 

20 июньдә югары уку йортына керү өчен гаризалар тапшыру башланды. Бүгенге көнгә безнең институтка чит илләрдән дә гаризалар килә башлады. Бүгенге көнгә читтән 600-700 кешедән гариза кабул итеп алдык инде, - диде 

Рәдиф Җамалетдинов.  Шулай ук, ул КФУның мөстәкыйль рәвештә уздырыла торган керъ сынауларын үткәрү формалары белән дә таныштырды. 

Быел университетка 48 программа буенча укуга кабул итәләр. Шулай ук киләсе уку елына яңа юнәлешләр буенча да белем бирү каралган. Чит телләргә  кыйтай теле белгечлеге дә өстәлә. 

Педагог булырга карар кылган абитуриентлар өчен ике телле белем бирү мохитендә республика бюджет урыннары белән тәэмин итә. Моның өчен алдан максатчан килешү төзелә.

Яңа уку елыннан «Реклама һәм җәмәгатьчелек белән элемтә» программасы тагы да камилләшә. Монда «Event-дизайн» һәм конгресс-күргәзмә эшчәнлеге, «Саунд-дизайн һәм музыкаль продюсерлык», «Этнодизайн һәм мода өлкәсендә бренд-коммуникацияләр» кертелә. 

Рәдиф Җамалетдинов  хәбәр иткәнчә, институт аерым рәвештә нәшрият эше программасын «Мәгълүмати мохит», «Медиадизайн һәм анимация» юнәлешләре үсәчәк. Шунысын да өстәргә кирәк,  «реклама» һәм «нәшрият эше» программалары Татарстан Республикасы Рәисе ярдәме белән гамәлгә ашырыла.

Автор фотосы