Татарстанда юллар начармы?

Казанда 2017 нче елда «Безопасные и качественные дороги» проекты кысаларында 32 объект ремонтланачак.

Бу хакта журналистларга матбугат конференциясендә Татарстан Республикасы транспорт һәм юл хуҗалыгы министры урынбасары Артем Чукин хәбәр итте. Әлеге 32 объектның 15ендә эшләр төгәлләнеп килә, алга таба Декабристлар, Восстание, Ибраһимов, Чистай, Горький шоссесы урамнары юлларын төзәтү каралган. Бүгенге көндә эшнең 80%ы төгәлләнеп килә.
Болардан тыш юл һәлакәтләре күп була торган 52 урында куркынычсызлык булдыру буенча да эш алып барыла, анда җәяүлеләр өчен светофорлар, өстәмә билгеләр куела. Шул рәвешле, Уң як Болак - М.Җәлил урамнары кисешендә һәм Вишневский-Шмидта урамнары кисешендә светофорлар куелачак.