Җиңү көнен бәйрәм итү программасы билгеле булды

2022 елның 9 маенда Казанда Җиңү көнен бәйрәм итү программасы билгеле булды.
 Казанда Җиңү көнен бәйрәм итү өчен төп мәйданчык – Меңьеллык мәйданы булачак. Сәгать 10:00 дә Казан гарнизоны гаскәрләре, шулай ук ИС һәм Т-34 танклары һәм ретроавтомобильләр колонналары узачак. Соңрак - сәгать 11:00 дә, Җиңү паркында яшь армиячеләр парады башлана, аннан соң шәһәр халкы «Җиңү фанфарлары» балалар тынлы оркестрлары фестивален һәм шәһәрнең иҗат коллективлары чыгышын карый алачак.
15: 00 дә Толстой скверыннан «Үлемсез полк» йөреше башлана. Анда катнашырга теләүчеләрнең барысын да чара башланырга ике сәгать алдан - 13:00 сәгатьтә килергә сорала.
Бәйрәм кичәсе сәгать 18:00 дә Җиңү паркында оркестрның чыгышыннан башлана. Музыкантларның  30 нчы һәм 40 нчы еллардагы бию көйләре һәркемнең күңеленә хуш килер. Ә Меңьеллык мәйданындагы концерт сәгать 19:00 дә узачак. Казанда Җиңү көне 22:00 сәгатьтә бәйрәм салюты белән тәмамланачак. Аны Казансу елгасы акваториясеннән башлап җибәрәчәкләр, шуңа күрә салют карау өчен уңайлы урыннар булып Кремль яр буе һәм Татарстан Милли китапханәсе янындагы территория торачак.