Атыш оештыру белән янаган яшүсмерне тоткарлаганнар

Казанның 101 нче номерлы мәктәбендә атыш оештыру белән янаган яшүсмерне тоткарлаганнар.
Кайбер мәгълүматларга караганда, 14 яшьлек яшүсмерне шимбә көнне үк тоткарлаганнар. Эш белән ФКХ (ФСБ) ябык режимда шөгыльләнә.
«Татарстан-24» телеканалы мәктәп директоры Татьяна Петрова белән элемтәгә кергән, ул мәгълүматны расламаса да, аны кире какмаган. Бары тик мәгълүматны Башкарма комитеттан сорарга киңәш иткән.
Якын арада бу вакыйганың нечкәлекләре билгеле булачак.

tatnews.tatar