БДИга яңа мәҗбүри фәннәр кертелерме?

Якын арада Бердәм дәүләт имтиханында, рус теле һәм математикадан тыш, яңа мәҗбүри фәннәрне кертү планлаштырылмый.
«Ел саен теге яки бу уку предметын дәүләт йомгаклау аттестациясен үткәргәндә мәҗбүри булганнары исемлегенә кертү турында тәкъдимнәр килә... Рус теле һәм математикадан тыш, рус әдәбияты яки башка төрле предмет буенча мәҗбүри БДИ уздыру якын киләчәктә каралмый», – дип билгеләп үтте Мәгариф һәм фән өлкәсендә күзәтчелек федераль хезмәте вәкиле.
Искәртеп үтәбез, бүгенге көндә БДИ барлык чыгарылыш сыйныф укучылары өчен мәҗбүри. Унберенче сыйныф укучылары имтиханны рус теле һәм математика, шулай ук югары уку йортында профильле юнәлешкә керү өчен кирәкле сайлау буенча фәннәрне тапшыра, дип хәбәр итә «РИА Новости».
Диләрә Батршина