Казанда «Алтын тәлинкә» кинопремиясе ияләрен игълан иттеләр

 Казанда «Алтын тәлинкә – Золотая тарелка» кинематографиясе өлкәсендә II Төбәкара премиянең эксперт туры җиңүчеләрен билгеләделәр.

Яңа сезонда катнашуга кинопремиягә Россиянең 30 төбәгеннән 250-дән артык гариза кергән. Беренче этап узган ел ахырында ук тәмамланды, ә тантана үзе гыйнвар аена күчерелде һәм Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәтенең ТР буенча идарәсе таләпләре нигезендә ябык форматта узды. Үткәрү урыны – «Урам» экстрим-паркының ябык комплексы лекториясе булды.

Чарада Татарстан Республикасы Яшьләр эшләре буенча министр урынбасары Софья Мостафина катнашты. «Кадерле катнашучылар, минем барыннан да бигрәк иҗат бүләк иткәнегез өчен рәхмәт белдерәсем килә. Әмма иҗаттан тыш, сез шулай ук кино тарихын язасыз, ә бу безнең киләчәгебез», – диде ул.

Шунысын да билгеләп үтәргә кирәк, чара өчен үзенчәлекле формат сайланды. Кич дәвамында тантанага катнашучылар һәм экспертлар кушылды, шул исәптән онлайн, махсус электрон платформа ярдәмендә. Кунакларга якты концерт номерлары һәм утлы шоу тәкъдим ителде. Кичәнең үзенчәлеге булып тантананың алып баручысы – Алтынка исемле ясалма интеллект булды, ул тантананың алып баручысы белән дуэтта эшләде.

Исегезгә төшерәбез, «Алтын тәлинкә» кинематографиясе өлкәсендә II Төбәкара премия өч этапта уздырыла. Алда тагын ике этап бар: яз көне (вакыты соңрак игълан ителәчәк) һәм 2022 елның августында. Кинопремиянең гомуми бүләкләү фонды 2 млн 800 мең сум тәшкил итә, дип хәбәр иттеләр кинопремияне оештыручылар. Фестиваль РФ Мәдәни инициативалар фонды һәм ТР Яшьләр эшләре министрлыгы ярдәме белән оештырылды.

Казан мэриясе

Добавить комментарий

Ваш адрес email не будет опубликован.