«Хәзинә» галереясы күргәзмәләргә ирекле керү мөмкинлеген ача

22  апрельдән 1  майга ТР Дәүләт сынлы сәнгать музееның «Хәзинә» милли сәнгать галереясына бушлай керергә мөмкин. 
Бу көннәрдә биредә Баки Урманче әсәрләре күрсәтелә, шулай ук берничә күргәзмә эшли. Алар арасында «Наш адрес Советский Союз!», Александр Рубцовның «Между Тунисом и Россией», «Петр Сперанский «Архитектор» татарского театра» һәм башкалар бар, дип хәбәр итә музейның матбугат хезмәте. 
Күргәзмәләргә керү өчен теркәлү кирәкми, аларны галереяның эш режимы буенча бушлай карарга мөмкин.

Фәния Лотфуллина