«Кояшкай» да милли ашлар көне узды (ФОТО)

Республика көне уңаеннан, 26 август көнне «Кояшкай» балалар бакчасында «Милли ашлар көне» бәйрәме уздырылды.
Залда татар, рус, чуваш халык ашларыннан күргәзмә оештырылды.Безнең әби-бабаларыбыз, әти-әниләребез кул эшләренә, җырга-биюгә бик сәләтле булу белән бергә, аш-суга да бик оста булганнар.
Бу бәйрәм балаларыбызны халык ашлары белән танышырга һәм аларны саклап калырга ярдәм итә. Бәйрәм барышында балалар милли ашларның үзенчәлеге белән таныштылар, төрле халык уеннарын уйнадылар, биеделәр.Бәйрәм ахырында милли ризыклардан авыз иттеләр.Бәйрәм бик күңелле үтте.Барлык әти-әниләргә рәхмәтебезне җиткерәбез.
Фоторепортаж: 

 

Энҗе ӘБҮЗАРОВА,
«Кояшкай» балалар бакчасы мөдире