Ләйсән этле булды

Казан кызы Ләйсән Гәрәева тумыштан сукыр. Лаештагы махсус интернат-мәктәптә укыган ул. Аннан соң Курск шәһәренә барып музыкаль белем алган. 22 яшьлек кыз эшкә урнашырга да ниятләгән. Моның өчен “озатып” йөрүче кирәк. “Шуңа без күрмәүче кешеләрне озатып йөртер өчен махсус өйрәтелгән эт алырга булдык”, - ди әнисе Ләйлә ханым.

2017 елда РФ Социаль страхования фондына мөрәҗәгать иткән булганнар. Менә берничә ай инде Ләйсәннең үзен озатып йөрүче эте бар. Кичә Черек күл паркында РФ Социаль страхования фондының ТР бүлеге Л. Гәрәевага этне тантаналы рәвештә тапшырдылар.
(Әлеге гаилә турында тулырак язманы журнал битләреннән укый аласыз).