Матбугат көне белән!

19 мая 2021 Мәгариф

Бүген, 19 май – Татарстан Республикасы Матбугат көне. Бу бәйрәм төрле һөнәр ияләрен – журналистларны, мөхәррирләрне, нәширләрне, полиграфия сәнәгате хезмәткәрләрен, басма матбугатны таратучыларны берләштерә.
Хөрмәтле журналистлар, матбугат ветераннары!
«Мәгариф» һәм «Гаилә һәм мәктәп» журналлары редакциясе сезне чын күңелдән бәйрәм белән котлый. Бу җаваплы эштә сезгә уңышлар, иҗади чаткы, илһам, күтәренке рух һәм сәламәтлек телибез.
Матбугат көнен тугры дусларыбыз – абунәчеләребез белән бергәләп бәйрәм итәбез. Газетабызга язылуыгыз, безнең белән һәрчак элемтәдә торуыгыз, хатлар юллавыгыз, кызыклы мәгълүмат белән бүлешүегез өчен сезгә зур рәхмәт. Бу дуслыгыбыз нык булсын һәм озак еллар дәвам итсен!
Сүз уңаеннан, 2021 елның 20 июненә кадәр журналларыбызга чираттагы язылу компаниясе бара. Алга таба да бергә булыйк!