Министрга сорау бирегез!

Татарстан мәгариф һәм фән министры Рафис Борһановка күптән юлларга теләгән сорауларыгыз бармы? Мондый сорау-борчуларыгызны безгә язып җибәрегез!
«Мәгариф» журналында «Министрга сорау бир» рубрикасы янәдән старт ала. Аның кысаларында укытучылар, тәрбиячеләр, ата-аналарга үзләрен кызыксындырган мәсьәләләр турында җиткерергә мөмкинлек бирелә.
Сораулар мәктәпләрдәге уку-укыту процессына, педагогларның компетенциясен бәяләүгә, эш урыннарында тиешле шартлар булдыруга, укытучылар һәм тәрбиячеләр өчен каралган грантлар һәм башка теләктәшлек чараларына кагылышлы булырга мөмкин.
Сез юллаган сорауларга ТР мәгариф һәм фән министрлыгы вәкилләре җавап бирәчәк.
Сорауларны magarif@bk.ru электрон почта адресына юллый аласыз.