«Мир» кинотеатрында казанлыларга «Энә» фильмын күрсәтәчәкләр

Казанның «Мир» кинотеатры «Наркотикларсыз тормыш» республика акциясенә теләктәшлек күрсәтәчәк. 18-нче ноябрьдә биредә Рашит Ногмановның «Энә» фильмын күрсәтү булачак. Төп рольне Виктор Цой башкара. Киноеанс алдыннан тамашачылар белән балалар наркологиясе буенча баш табиб урынбасары, Республика наркология диспансерының табиб-психиатр-наркологы Степан Криницкий очрашачак.

Табиб шәһәр халкына наркотикларның кешенең физик һәм психик сәламәтлегенә җимергеч йогынтысы турында сөйләячәк, шулай ук тамашачыларның сорауларына җавап бирәчәк.

Моннан тыш, тамашачылар өчен J-SET музыкаль төркеме чыгыш ясаячак, ул популяр башкаручыларның танылган композицияләре каверларын уйнаячак.

Киносеанс 16:00 сәгатьтә башлана, керү бушлай, дип хәбәр итә оештыручылар.

Исегезгә төшерәбез, 15-нче ноябрьдән башлап казанлылар кинотеатрларга, театрларга һәм башка учреждениеләргә вакцинация турында QR-код һәм шәхесне раслаучы документ булганда гына керә ала.

Чыганак: Казан мэриясе

Добавить комментарий

Ваш адрес email не будет опубликован.