«Россиянең ел укытучысы» конкурсының зона туры

Татарстанда «Россиянең ел укытучысы» Бөтенроссия конкурсының зона туры башланды. 
Татарстанда «Россиянең ел укытучысы» Бөтенроссия конкурсының зона туры башланды. Кукмара шәһәрендә Арча, Балтач, Кукмара, Әтнә, Теләче районнары укытучылары ярыша.
Укытучылар ике номинациядә ярыша: «Ел укытучысы» (стажлары 5 елдан артык булган педагоглар) һәм «Педагогик дебют» (педагогик стажы 3 елдан артмаган укытучылар).
Бөтенроссия бәйгесенең зона этабы 9 район һәм шәһәрдә узачак: Кукмара, Алексеевски, Азнакай, Югары Ослан, Минзәлә, Саба, Мөслим, Тәтеш районнарында һәм Казанда оештырыла.
«Россиянең ел укытучысы» Бөтенроссия конкурсының зона туры 15 февральгә кадәр үткәреләчәк. Аның нәтиҗәләре буенча 60 укытучы сайлап алыначак.