«Тарих эзләреннән» Бөтенроссия рәсемнәр бәйгесе старт алды

«Тарих эзләреннән» — «По следам истории» бәйгесендә Россия регионнарыннан булган, үз төбәгенең милли тормышында актив катнашучы, иҗат белән шөгыльләнүче 7-17 яшьлек балалар һәм яшүсмерләр катнаша ала.

Бәйгенең максаты – үсеп килүче буында иҗат аша татар халкы тарихына кызыксыну уяту, милли үзаң тәрбияләү.

Оештыручылар:

  — Татарстан Республикасы яшьләр эшләре министрлыгы;

— Татар федераль милли-мәдәни автономиясе;

  — «Идел» яшьләр үзәге.

Бәйге өч этапта үткәрелә:

I этап – 2022 елның 4 апреленә кадәр бәйгедә катнашу өчен түбәндәге адрес буенча рәсемнәр һәм заявкалар җибәрелә: Казан шәһәре, Г.Тукай урамы, 58 йорт, 307 нче офис; e-mail: [email protected]

II этап – жюри әгъзалары тарафыннан эшләргә бәя бирү (12-14 апрель);

III этап – йомгак ясау, җиңүчеләрне бүләкләү (28 апрельгә кадәр).

Бәйгегә түбәндәге темаларны чагылдырган сәнгать композицияләре кабул ителә:

 — татар тарихына караган вакыйгалар һәм шәхесләр;

 — Идел буе Болгар дәүләтендә ислам дине кабул итүгә кагылышлы сурәтләр;

— ислам диненең хәзерге көндә торышын һәм чагылышын сурәтләгән сәнгать композицияләре;

 — татар халкының гореф-гадәтләре чагылдырылган эшләр;

 — татар әдәбиятының классик әсәрләренә иллюстрацияләр. «Тарих эзләреннән» — «По следам истории» бәйгесе лауреатларына дипломнар һәм истәлекле бүләкләр тапшырылачак. Һәр катнашучыга электрон сертификат җибәрелә.

Бәйгенең нигезләмәсе белән безнең сайтта танышырга мөмкин: www.mc-idel.ru

Өстәмә мәгълүмат:

8 (843) 231-81-54

[email protected]

Добавить комментарий

Ваш адрес email не будет опубликован.