57 телдә 229 шагыйрьнең әсәрләре — бер җыентыкта!

Мәгълүм булганча, быел «Россия халыкларының хәзерге әдәбияты. Поэзия» җыентыгы дөнья күрде. Монда  57 телдә язылган 229 шагыйрьнең әсәрләре урын алган.

Китапта танылган татар шагыйрьләре Илдар Юзеев, Лена Шагыйрьҗан, Разил Вәлиев, Ркаил Зәйдулла, Рузаль Мөхәммәтшин шигырьләре дә бар. Шигырьләрнең оригиналын, ягъни татар телендә язылганын да, тәрҗемәләрен дә укырга мөмкин. Җыентыкны әзерләүчеләр фикеренчә, Россия халыкларының милли әдәбиятын саклап калу һәм үстерү юлында шушындый антология чыгару әһәмиятле һәм ул киң катлам укучыга кызыклы.