Әхмәтһади Максуди – татар матбугатының йолдызы

13 января 2021 Мәгариф

Әхмәтһади Низаметдин улы Максуди (Әхмәдһади Максуди, Һади Максуди, Әхмәд Максуди буларак та мәгълүм) 1868 елның 28 сентябрендә Казан губернасында туган. Туган авылы Ташсуда (хәзерге Биектау районы) башлангыч мәдрәсә белеме алганнан соң, башкалабыздагы Күлбуе («Галләмия») мәдрәсәсендә 1881–1889 елларда укыган. Һәм үзе гыйлем алган мәдрәсәдә җәдитчә мөгаллимлек итә башлаган (1890). Дүрт ел укыткач, Госманлы империясенә киткән (1894), ләкин ике елдан Казанга кире әйләнеп кайткан (1896), яңадан мәдрәсәдә укытырга керешкән һәм дини уку йортлары өчен «Мөгаллим сәни», «Гыйбадәте Исламия» кебек бүген дә әһәмиятен югалтмаган дәреслекләр язган.
[audio mp3="http://magarif-uku.ru/wp-content/uploads/2020/12/KHadi-Maksudi.mp3"][/audio]