Әтнә районында яшәүче ир дүртенче баласын өендә үзе таптырган

«Әтнә таңы» агентлыгы хәбәр итүе буенча, Әтнә районында яшәүче ир дүртенче баласын өендә үзе таптырган. 

Күптән түгел, герой ата, югалып калмыйча, үз баласына якты дөньяга туарга ярдәм итә. Әлеге сабый бу гаилә дүртенче бала. 

Вакыйга шулкадәр тиз була, бала тизрәк дөньяга туарга ашыга. Көннең буранлы булуы да үз эшен эшли.

Хәзерге вакытта әни кеше дә, бала да үзләрен яхшы хис итә. Сәламәтлекләренә куркыныч янамый. 

Искәртеп үтик, йөкле хатын-кызлар өйдә бала табарга уйлый икән, алар үз чиратында табибларның киңәшләрен үтәргә тиеш.