Август киңәшмәсенең пленар утырышы башланды

Хәзерге вакытта Лаеш районында, педагогик хезмәткәрләрнең август киңәшмәсе кысаларында, Татарстан Президенты Рөстәм Миңнеханов катнашында “Татарстанның нәтиҗәле мәгариф системасы һәм аның  үсеш юллары” темасына пленар утырыш бара.

Әлеге чарада шулай ук ТР Премьер-министры Илдар Халиков, Татарстанның Дәүләт Советы рәисе Фәрит Мөхәммәтшин, РФ Мәгариф һәм фән министры урынбасары Екатерина Толстикова, Премьер-министр урынбасары – ТР Мәгариф һәм фән министры Энгель Фәттахов, РФ Федераль Җыены Дәүләт Думасы депутатлары, ТР Дәүләт Советы вәкилләре, министрлыклар һәм ведомстволар җитәкчеләре, федераль органнарның ТР буенча идарәләре җитәкчеләре, муниципаль район башлыклары, муниципаль мәгариф идарәләре җитәкчеләре, югары һөнәри белем бирү уку йортлары ректорлары, башлангыч һәм урта һөнәри белем бирү учреждениеләре директорлары, мәктәп директорлары катнаша.

Август киңәшмәсенең онлайн-трансляциясе Интернет челтәрендә оештырыла.