Бөтен дөньядан яшь галимнәр Казанда узачак фәнни конгресста үз эшләрен тәкъдим итәчәк

Ислам хезмәттәшлеге оешмалары илләренең II яшьләр фәнни конгрессында 100 яшь галим һәм тикшеренүче  катнашачак. Конгресста катнашучылар киләчәктә университетның магистратурасына яки аспирантурасына керә алачак.
Яшь галимнәр биомедицина һәм Био-, нефть-газ һәм мәгариф технологияләре, халыкара мөнәсәбәтләр һәм халыкара хокук, архитектура, дизайн, сәнгать өлкәсендәге үз проектларын тәкъдим итәчәкләр .КФУ галимнәре һәм башка халыкара оешма вәкилләре Конгресс экспертлары булачак.
Киләсе елдан КФУ чит илләрдән галимнәрне җәлеп итүгә юнәлдерелгән масштаблы «Лобачевский» дип исемләнгән программасын гамәлгә ашыра башлый.