Бөтендөнья татар конгрессы VI съезды делегаты: «Киң җәмәгатьчелек фикерен ишетү өчен яхшы мөмкинлек бу!»

Бөтендөнья татар конгрессы VI съездында мәгариф өлкәсендә эшләүче ватандашларыбыз да катнаша. Әлеге зур чарага Чаллы шәһәреннән дә делегация киләчәк.  Без делегатларның берсе Гали Акыш исемен йөртүче 84 нче санлы лицей-интернет директоры Шамил Закиров белән элемтәгә кердек.

– Бөтендөнья татар конгрессының VI съездында икенче тапкыр катнашам. Мине аеруча «Милли мәгариф» секциясе утырышы кызыксындыра. Съезд мөһим проблемаларга карата җитәкчелек белән беррәттән киң җәмәгатьчелек фикерен дә ишетү өчен яхшы мөмкинлек, дип уйлыйм, – дип белдерде  «Мәгариф» журналына Чаллының күренекле белем учагы директоры.