Чихиро Тагучи Бакуда булып кайткан

Бакудагы «Ак калфак» оешмасы хатын-кызлары VII Татар теле буенча Халыкара олимпиадада быел Гран-при яулаган Тагучи Чихироны кунакка чакырды. Инде билгеле булганча, студент егет тумышы белән Япониядән. Яшәү урыны - Бөекбритания.
Очрашу бик күңелле узды, дип хәбәр итә Бакудан Сания Альмашева. Чәй табыны янында аралашу барышында, Чихиро «ак калфак»лыларга үзе хакында һәм татар телен ничек өйрәнгәнлеген сөйләгән. Ул татар җырларын да бик ярата икән. Бу хакта Бөтендөнья татар конгрессы матбугат хезмәте хәбәр итә.