Гаилә елында – гаиләләр өчен

Яңа 2024 елдан Татарстанда “Гаилә абонементы" эшли башлаячак.

Әлеге абонемент, гаилә белән бердәм билет алып, берьюлы берничә мәдәният оешмасына барып, тамаша кылып кайтырга мөмкинлек бирәчәк. 

Моның өчен махсус маршрутлар булдырылачак. “Гаилә абонементы”ның бер маршрутын Татарстан Милли музее белән Г.Камал исемендәге Татар дәүләт академия театры төзеде. Ул “Тукай һәм театр” дип атала. Әлеге экскурсия Габдулла Тукай исемендәге әдәби музейда башланып, Камал театрында төгәлләнәчәк, башкалабыздагы шагыйрь белән бәйле урыннарны колачлаячак.

Бөтен программага бер билет булачак.

Таһир САБИРҖАНОВ