Яшь җырчы Рөстәм Егоров татар сәнгатен үстерергә тели

«Татар-информ» агентлыгы белдергәнчә, Рөстәм Егоров киләчәктә Казанда калырга ниятли. Бүгенге көндә ул Казан дәүләт мәдәният институтының икенче курсында укый.

«Киләчәктә зур сәхнәгә менеп, Илһам Шакиров, Хәйдәр Бигичев, Рәшит Ваһапов кебек үз урынымны алып, халык җырларын тамашачыларга җиткерергә телим», – дип белдерде Рөстәм Егоров.

Габдулла Тукай әдәби музее директоры Гүзәл Төхвәтова Рөстәм Егоровны талантлы, моңлы җырчы дип атады. 

Концертта баянда халыкара фестивальләр лауреаты Айбулат Харисов, фортепианода Салих Сәйдәшев музее өлкән фәнни хезмәткәре Раушания Җиһангирова уйнады.