«Казан» гаилә үзәгенә керү чикләнә

2013 елдан бирле бу үзәк казанлылар һәм башкалабыз кунакларының иң яраткан урынына әверелде. Узган ел биредә 400 мең кеше булып китүе моны кабат исбатлады. Яңа ел каникуллары көннәрендә гаилә үзәгенең ачык мәйданчыгына 12 мең кеше күтәрелгән. Аларның социаль челтәрләргә урнаштырган фото һәм видеолары Казан белән чиксез горурлануларын, хозурлануларын күрсәтеп тора. Ләкин аларга бу шөгыльләрен язга кадәр калдырып торырга туры киләчәк, кышкы чорның үз кагыйдәләре, үз таләпләре бар.  

 Казан мэриясе матбугат хезмәтеннән алынган хәбәргә караганда, күзәтү мәйданчыгы үзенең ишекләрен язга кергәч ачарга мөмкин. Узган ел «Казан» гаилә үзәге беренче туристларны 25 мартта кабул иткән иде. 

 Альберт САБИР